Mae'r dudalen hon yn ddatganiad i'r wasg a gyhoeddir gan Gyngor Bwrdeistref Sirol Wrecsam.
Awdur y Cynnwys: pressoffice@wrexham.gov.uk
10 Mehefin 2008
Wythnos Genedlaethol Gofalwyr 9 - 15 Mehefin
Mae’r wythnos hon yn Wythnos Genedlaethol Gofalwyr. A oeddech chi’n gwybod bod dros 14,000 o bobl yn Wrecsam yn disgrifio’u hunain fel gofalwyr?
Mae Cyngor Bwrdeistref Sirol Wrecsam am gydnabod y rôl hollbwysig hon drwy gynnig cefnogaeth i ofalwyr i sicrhau bod eu hiechyd a’u lles, eu cyflogaeth, eu cyfleoedd dysgu a hamdden yn cael eu cynnal drwy gynnig mynediad at wybodaeth a chefnogaeth briodol.
Mae Gwasanaeth Gwybodaeth i Ofalwyr Gogledd Ddwyrain Cymru wedi trefnu digwyddiadau yn ystod yr wythnos yng nghanol tref Wrecsam a’r cyffiniau. Gwahoddir gofalwyr i’w mynychu er mwyn tynnu sylw pobl ac i gael gwybodaeth a chyngor a fydd o gymorth.
O 9 - 11 Mehefin bydd bwrdd gwybodaeth yng nghyntedd Llyfrgell Wrecsam. Ar fore’r 10fed Mehefin bydd cyfnod Galw Heibio i Ofalwyr ym Mharc Technoleg, Rhodfa Ellice ac ar 11eg Mehefin bydd bore coffi a thaith gerdded i ofalwyr yn y ganolfan gymunedol ac yn Y Parciau. Cefnogir y digwyddiad hwn ar y cyd gan AVOW.
Yn ystod yr wythnos bydd Superdrug yn cynnig talebau prisiau is i ofalwyr, yn ddilys i’w defnyddio o 9fed i 30ain Mehefin 2008.
|
English
Yn ôl i'r brig