Mae'r dudalen hon yn ddatganiad i'r wasg a gyhoeddir gan Gyngor Bwrdeistref Sirol Wrecsam.
Awdur y Cynnwys: pressoffice@wrexham.gov.uk
11 Mehefin 2008
 Cynllun Garddio a Gynorthwyir i Denantiaid
Gall tenantiaid tai Cyngor Wrecsam fod yn gymwys o gael cynnal a chadw eu gerddi yn dilyn adolygiad o’r Cynllun Garddio a Gynorthwyir a gytunwyd arno gan y Cyngor.
Gall tenantiaid sy’n derbyn y Lwfans Byw i’r Anabl (Elfen Gofal neu Symudedd), Lwfans Gweini, Lwfans Gweini Cysgon neu Lwfans Symudedd sydd heb berthnasau yn byw yn y fwrdeistref Sirol neu denantiaid sy’n rhan o’r Cynllun Bathodyn Glas sydd heb berthnasau yn y fwrdeistref wneud cais i fod yn rhan o’r cynllun.
Nid yw unigolion anabl ifanc yn cael eu heithrio gan nad oes oedran pendant i’r cynllun.
Roedd yr adolygiad hefyd yn ystyried barn y tenantiaid ac yn dilyn hyn bydd y cynllun bellach yn cynnwys 2 doriad gwrych a 5 toriad i’r lawnt drwy gydol y flwyddyn.
Sherratt Landcape Contractors Ltd fydd yn cwblhau’r gwaith ar ran Cyngor Wrecsam.
Dywedodd y Cynghorydd Mark Pritchard, yr Aelod Arweiniol dros Tai a Chynllunio:
"Mae’r Cynllun Garddio a Gynorthwyir o gymorth mawr i denantiaid sydd heb unrhyw fodd arall o ofalu am eu gerddi a buaswn yn annog unrhyw un sy’n tybio eu bod yn gymwys i gysylltu â’u Swyddfa Tai lleol.”
Am ymholiadau eraill am y cynllun ffoniwch 01978 315328.
|
English
Yn ôl i'r brig