Cynllun Cydraddoldeb Hiliol 2008 i 2011

Hwn yw trydydd Cynllun Cydraddoldeb Hiliol y Sir ac mae’n weithredol dros y cyfnod 2008 – 2011.

Mae’r cynllun diweddaraf hwn yn gosod agenda’r Cyngor ar gyfer cydraddoldeb hiliol o 2008 i 2011 a’r trefniadau a wnaed gan y Cyngor i ymateb i’r dyletswyddau cyffredinol a phenodol a roed ar gyrff cyhoeddus gan y Ddeddf Cysylltiadau Hiliol (Diwygiad) 2000.  

Cryfhaodd Deddf Cysylltiadau Hiliol (Diwygiad) 2000 Ddeddf Cysylltiadau Hiliol 1976 gan osod dyletswyddau cydraddoldeb hiliol rhagweithiol yn ganolog i wasanaethau cyhoeddus.  Mae dwy ran I’r cynllun cydraddoldeb hiliol:

• Mae’r Ddyletswydd Gyffredinol yn rhoi cyfrifoldeb ar y Cyngor, wrth gyflawni ei swyddogaethau, i ystyried yr angen i ddileu gwahaniaethu anghyfreithlon, hyrwyddo cyfle cyfartal ac annog perthynas dda rhwng pobl o wahanol grwpiau hil.
• Y Dyletswyddau Penodol ar gyfer cyflwyno cydraddoldeb hiliol yw paratoi a chyhoeddi Cynllun Cydraddoldeb Hiliol erbyn 31ain Mai, 2002 (a phob tair blynedd ar ôl hynny).

Mae’r cynllun hwn yn gosod allan sut y byddwn yn bodloni’r ddyletswydd cydraddoldeb hiliol ond yn bwysicach mae’n ein cynorthwyo i wella gwasanaethau a sicrhau ein bod yn bodloni anghenion ein cwsmeriaid a’n trigolion.

Mae cydraddoldeb hiliol yn allweddol i gyflwyno gwasanaethau cyhoeddus o ansawdd da a gwell ansawdd bywyd i bawb.  Mae’r ymgyrch tuag at gyflwyno gwasanaethau cyhoeddus sy’n ddinesydd-ganolog yn cydnabod bod anghenion unigolion yn newid yn unol â’u hamgylchiadau penodol.  

Mae arfer da yn dechrau trwy gydnabod, adnabod ac ymateb yn briodol i anghenion amrywiol y bobl yr ydym yn darparu gwasanaethau ar eu cyfer. 

Mae cydraddoldeb hiliol yn gyfnod o welliant parhaus ac rydym wedi dysgu llawer iawn ers cyhoeddi ein cynllun cyntaf yn 2002.

Rydym yn ddiolchgar iawn i lu o wahanol bobl sydd wedi rhannu’u barn a’u profiadau gyda ni ac wedi’n cynorthwyo i ddatblygu cynllun ystyrlon ac adnabod y meysydd i’w blaenoriaethu ar gyfer 2008 - 2011, a restrir isod.

1. Sefydlu’r Grŵp Cynllun Cydraddoldeb Hiliol (datblygu, Monitro ac Adolygu)
2. Monitro Cydraddoldeb
3. Hyfforddiant Cydraddoldeb a Hyfforddiant
4. Asesiadau Effaith cydraddoldeb
5. Cyflogaeth
6. Mynediad at Wasanaethau
7. Addysg ac ysgolion
8. Partneriaethau
9. Yr Iaith Gymraeg a Diwylliant
10. Cydlyniad Cymunedol

Mae’r Cynllun wedi’i osod mewn dwy brif ran:

• Mae corff y cynllun yn crynhoi'r cyd-destun polisi a chyfreithiol a pholisi a’r trefniadau sydd yn eu lle i ymateb i ddyletswyddau cydraddoldeb hiliol.  Mae’n cynnwys cynllun gweithredu sy’n gosod ein blaenoriaethau a chyfres o dasgau a thargedau.  
• Mae’r Atodlen Asesu Effaith (atodiad 1) yn gosod y trefniadau ar gyfer asesu’r effaith y gallai’r polisïau, y cynlluniau a’r strategaethau eu cael ar y cyhoedd. 

Mae’r cynllun yn elwa o reoli perfformiad cadarn a threfniadau craffu sydd yn ein galluogi i fonitro a mesur cynnydd dros gyfnod o amser. 

Mae llwyddo yn ein hamcanion cydraddoldeb hil yn golygu gwneud cydraddoldeb yn gyfrifoldeb i bawb yn y sefydliad a chryfhau cydylltiadau mewnol ac allanol.   

Mae gan y cynllun rôl bwysig i’n cynorthwyo i gyflawni ein hamcanion ehangach a bodloni anghenion trigolion, defnyddwyr gwasanaethau a chyfranddeilwyr. 

Rydym wed sefydlu rolau a chyfrifoldebau clir ac esbonnir hyn i’r holl staff drwy ein rhaglen hyfforddiant gynhwysfawr.  

Bydd Prif Weithredwr ac Aelodau Etholedig y Cyngor yn parhau yn  allweddol bwysig wrth symud cydraddoldeb hiliol ymlaen ar draws yr holl sefydliad.  Fodd bynnag, bydd yr holl staff ar bob lefel o’r sefydliad yn gwneud eu rhan i gyflwyno’r cynllun hwn.

Yn ymarferol golyga hyn

• Y byddwn yn sicrhau y bydd gwybodaeth ar gael am y Cyngor ac am y gwasanaethau a ddarparwn, mewn Cymraeg, Saesneg ac mewn ieithoedd a fformatau eraill, i sicrhau bod ein holl wybodaeth yn eglur ac yn hawdd ei ddeall.  
• Pan fyddwn yn gofyn i’n cwsmeriaid a’n trigolion i rannu’u barn, byddwn yn sicrhau ein bod yn cynnwys pobl o gefndiroedd du a lleiafrifoedd ethnig. 
• Byddwn yn cyflwyno trefniadau effeithiol i fonitro cefndiroedd ethnig ein cwsmeriaid er mwyn sicrhau ein bod yn trin pobl yn deg.  Bydd hyn yn golygu gofyn i gwsmeriaid, y rhai sy’n cynnig am swyddi a staff i roi gwybodaeth am eu hethnigrwydd yn y dull mwyaf priodol.    Byddwn yn defnyddio’r wybodaeth hon ar gyfer ein cynorthwyo i ddeall os yw gwasanaethau yn hygyrch ac os yw pobl yn derbyn y gwasanaethau sydd orau ar gyfer eu hanghenion yn unig. 
• Bydd staff yn derbyn hyfforddiant cydraddoldeb ac amrywiaeth i’n cynorthwyo i gyflwyno gwasanaethau dinesydd-ganolog sy’n ymateb i anghenion pobl leol. 
• Byddwn yn gweithredu i ymdrin â hiliaeth a gwahaniaethu hiliol gan gynnwys aflonyddu.
• Byddwn yn gwirio polisïau newydd a pholisïau cyfredol i sicrhau bod anghenion amrywiol grwpiau gwahanol wedi cael eu hystyried.

Hefyd mae gan y Cyngor Gynllun Cydraddoldeb Rhyw a Chynllun Cydraddoldeb Anabledd ar waith.  Paratowyd pob cynllun i ymateb i ddyletswyddau cydraddoldeb hil, anabledd a rhyw ac maent yn cefnogi ein hymdrechion parhaus i annog dyletswyddau cydraddoldeb ac arfer da yn ein gweithrediadau, polisïau, cynlluniau ac arferion gwaith.   

Yn y dyfodol, mae’n debygol y byddwn yn cyhoeddi Cynllun Cydraddoldeb Unigol a fydd yn dod â’n cynlluniau ar gyfer pob maes cydraddoldeb at ei gilydd. 

Am fwy o wybodaeth cysylltwch â’r Rheolwr Cydraddoldeb ar 01978 292808 neu ebostiwch equality@wrexham.gov.uk.

Cynllun Cydraddoldeb Hiliol 2008 i 2011

Bydd fersiwn Gymraeg y ddogfen CCH ar gael cyn bo hir - am fwy o fanylion ebostiwch equality@wrexham.gov.uk

Mae'r ddogfen yma ar gael i ddadlwytho yn y fformat isod:

Cynllun Cydraddoldeb Hiliol 2008 i 2011- Fersiwn PDF 735Kb