Pleidleiswyr yn y Lluoedd Arfog

• Rwyf yn y Lluoedd Arfog (y Fyddiin, y Llynges neu'r Awyrlu) yn gwasanaethu dramor. Sut mae cofrestru i bleidleisio?
• Rwyf yn y Lluoedd Arfog yn byw yn y DU. Sut mae cofrestru i bleidleisio?
• Pa ddulliau pleidleisio sydd ar gael i mi?

Rwyf yn y Lluoedd Arfog (y Fyddin, y Llynges neu’r Awyrlu) yn gwasanaethu dramor. Sut mae cofrestru i bleidleisio?

Gall milwyr a’u gwŷr, gwragedd, neu bartneriaid sifil sy’n gwasanaethu dramor gofrestru i bleidleisio trwy wneud datganiad Gwasanaeth. Mae angen i chi wneud cais am ffurflen. Rhaid i chi adnewyddu eich datganiad gwasanaeth bob tair blynedd.

Gallwch gofrestru yn y cyfeiriad lle byddech yn byw pe nad oeddech yn y Lluoedd Arfog neu ar gyfer cyfeiriad lle’r ydych wedi byw yn y gorffennol.

Mae angen i chi anfon eich datganiad Gwasanaeth i’r Gwasanaethau Etholiadol perthnasol i’r cyfeiriad lle dymunwch eich cofrestru.

Rwyf yn y Lluoedd Arfog yn byw yn y DU. Sut mae cofrestru i bleidleisio?

Gall milwyr a’u gwŷr, gwragedd, neu bartneriaid sifil ddewis gwneud datganiad Gwasanaeth, neu gallant ddewis cofrestru i bleidleisio yn y ffordd draddodiadol.

Pa ddulliau pleidleisio sydd ar gael i mi?

Gall milwyr a’u gwŷr, gwragedd, neu bartneriaid sifil bleidleisio’n bersonol neu gallant ddewis pleidleisio drwy’r post neu trwy ddirprwy.

Dim ond wythnos cyn diwrnod yr etholiad y bydd pleidleisiau drwy’r post yn cael eu hanfon.

Os ydych yn byw dramor, gall fod yn well i chi benodi dirprwy i bleidleisio ar eich rhan rhag ofn na fydd digon o amser i’ch pleidlais bost eich cyrraedd a’i hanfon yn ôl cyn i’r bleidlais gau.