Pleidleisio Drwy'r Post

• Byddaf dramor dros dro ar ddiwrnod yr etholiadau. Sut allaf i bleidleisio?
• Pwy sy'n cael gwneud cais am bledlais drwy'r post?
• Sut mae cael pleidlais drwy'r post?
• Am ba gyfnod mae fy mhleidlais drwy'r post yn para?
• Pam fod angen i mi roi fy nyddiad geni a llofnod i gael pleidlais drwy'r post neu trwy ddirprwy?
• Pa mor sicr yw pleidlais drwy'r post?
• Pam na dderbyniais fy mhapur pleidleisio drwy'r post?
• Rwyf wedi difetha fy mhapur pleidleisio / datganiad pleidleisio drwy'r post. Beth allaf i wneud?
• Rwyf wedi colli fy mhapur pleidleisio drwy'r post. Beth allaf i wneud?
• Os wyf wedi gwneud cais am bleidlais drwy'r post, allaf i ddal i bleidleisio yn y orsaf bleidleisio?

Byddaf dramor dros dro ar ddiwrnod yr etholiadau. Sut allaf i bleidleisio?

Os ydych dramor ar ddiwrnod yr etholiad, gallwch wneud cais i bleidleisio naill ai drwy’r post neu trwy ddirprwy (cael rhywun arall i bleidleisio ar eich rhan).

Pwy sy’n cael gwneud cais am bleidlais drwy’r post?

Unrhyw un a gofrestrwyd i bleidleisio.

Sut mae cael pleidlais drwy’r post?

Gallwch ofyn i’r gwasanaethau etholiadol am ffurflen gais i bleidleisio drwy’r post. Llenwch hi a’i dychwelyd i’r gwasanaethau etholiadol.

Am ba gyfnod mae fy mhleidlais drwy’r post yn para?

Gallwch wneud cais am un etholiad yn unig, am gyfnod penodol, neu am bleidlais barhaol drwy’r post.

Pam fod angen i mi roi fy nyddiad geni a llofnod i gael pleidlais drwy’r post neu trwy ddirprwy?

Cyflwynodd Deddf Gweinyddiaeth Etholiadol 2006 fesurau newydd i wella sicrwydd pleidleisiau drwy’r post a thrwy ddirprwy. Ers 1 Ionawr 2007 mae gofyn i holl bleidleiswyr drwy’r post a thrwy ddirprwy yng Nghymru a Lloegr roi eu dyddiad geni a llofnod wrth wneud cais am bleidlais drwy’r post neu trwy ddirprwy.

Mae modd gwneud darpariaeth arbennig ar gyfer y rhai sy’n methu llofnodi’r ffurflen. Cysylltwch â’r gwasanaethau etholiadol i gael rhagor o wybodaeth.

Bydd eich llofnod a’ch dyddiad geni’n cael eu gwahanu o’ch papur pleidleisio cyn ei wirio. Ni fydd rhoi’r wybodaeth hon yn effeithio ar gyfrinachedd eich pleidlais.

Pa mor sicr yw pleidlais drwy’r post?

Mae’n drosedd cwblhau pleidlais drwy’r post nad yw’n perthyn i chi, a dylanwadu ar sut mae pobl eraill yn cwblhau eu pleidlais drwy’r post. Os oes gennych unrhyw honiadau o dwyll, dylid eu cyfeirio at yr heddlu.

Pam na dderbyniais fy mhapur pleidleisio dwry’r post?

Dylech dderbyn eich pleidlais bost tuag wythnos cyn yr etholiad. Os nad yw’n cyrraedd, gallwch gael papur pleidleisio newydd yn bersonol gan y Swyddog Cofrestru Etholiadol hyd at 5pm ar ddiwrnod yr etholiad. Cysylltwch â’r gwasanaethau etholiadol i gael gwybodaeth.

Rwyf wedi difetha fy mhapur pleidleisio / datganiad pleidleisio drwy’r post. Beth allaf i wneud?  

Gallwch gael un newydd hyd at 5pm ar ddiwrnod yr etholiad. Rhaid i chi ei gasglu’n bersonol gan y Swyddog Cofrestru Etholiadol, Tŷ Dewi Sant, Ffordd Rhosddu, Wrecsam. Hefyd, bydd angen i chi ddychwelyd y papur pleidleisio a ddifethwyd a rhannau eraill y pecyn pleidleisio a anfonwyd atoch.

Rwyf wedi colli fy mhapur pleidleisio drwy’r post. Beth allaf i wneud?

Gallwch gael papur pleidleisio newydd yn bersonol gan y Swyddog Cofrestru Etholiadol hyd at 5pm ar ddiwrnod yr etholiad.

Os wyf wedi gwneud cais am bleidlais drwy’r post, allaf i ddal i bleidleisio yn yr orsaf bleidleisio?

Os ydych wedi gwneud cais i bleidleisio drwy’r post, ni allwch bleidleisio’n bersonol yn yr orsaf bleidleisio. Fodd bynnag, ar ddiwrnod yr etholiad gallwch ddychwelyd eich pleidlais drwy’r post i’r orsaf bleidleisio (cyn 10pm) neu i’r gwasanaethau etholiadol yn ystod oriau swyddfa. Os nad ydych eisiau ei phostio neu’n rhy hwyr i’w phostio, cysylltwch â’r gwasanaethau etholiadol i gael gwybod ymhle mae eich gorsaf bleidleisio.