Gwasanaeth Cefnogi Tenantiaid

Ydych chi’n byw yn llety’r Cyngor?
Ydych chi angen help i reoli’ch cartref?

Gall y Gwasanaeth Cefnogi Tenantiaid helpu.

Os ydych yn symud i gartref Cyngor newydd neu os ydych eisoes yn denant sy’n teimlo nad ydych yn ymdopi’n dda ar eich pen eich hun, gallwn ni eich helpu.

Gall y Tîm Cefnogi Tenantiaid roi’r cymorth sydd ei angen arnoch i fyw bywyd annibynnol.

Beth all y Gwasanaeth Cefnogi Tenantiaid ei wneud?

Gallwn eich helpu i sefydlu a rhedeg eich cartref drwy droi’r nwy, trydan a’r dwr ymlaen, dod o hyd i ddodrefn, trefnu rhent a biliau, rhoi cyngor ar reoli materion ariannol a hawlio budd-daliadau, rhoi cyngor am yswiriant a gwybodaeth diogelwch a chadw at y cytundeb tenantiaeth.

Fyddwch chi’n fy helpu i ffeindio’m ffordd o gwmpas os wyf yn newydd i’r ardal?

Byddwn, gallwn ddangos i chi sut i ddod o hyd i siopau a gwasanaethau, chwilio am waith neu gyrsiau hyfforddi a defnyddio eich amser rhydd.

A all gweithiwr cefnogi tenantiaid roi cymorth mwy arbenigol i mi?

Na all, ond drwy siarad am broblemau, gall eich helpu chi i gael cyngor arbenigol am bethau fel dyledion, iechyd meddwl, cyffuriau ac alcohol, cysylltu â’r gwasanaethau cymdeithasol neu gyrff eraill.

Beth sy’n digwydd nesaf?

(Bydd pob cyfeiriad yn destun asesiad a chymeradwyaeth rheolwr).

Cysylltwch a'ch swyddfa ystadau leol neu cwblhewch ffurflen hunangyfeirio ar-lein.

Bydd gweithiwr cefnogi’n cysylltu â chi i drefnu ymweliad. Bydd yn treulio amser yn siarad am unrhyw broblemau sydd gennych. Bydd yn cytuno ar ‘gynllun cefnogi’ sy’n dweud wrthych yr hyn y gallwch ei ddisgwyl a pha mor aml fydd yn ymweld â chi.

Ein nod yw eich cael chi ar eich traed i fyw’n annibynnol. Ymhen amser, mae’n bosibl na fyddwch ein hangen ond byddwn yn dal i’ch croesawu os teimlwch y bydd angen help arnoch yn y dyfodol.

Os oes gennych ddiddordeb ac yr hoffech wybodaeth bellach, cwblhewch y ffurflen hunangyfeirio neu cysylltwch â Cydlynydd Cefnogi Tenantiaid, ar 01978 315439.