Llety Ymddeol

Croeso i wybodaeth am dai cysgodol yn Wrecsam. Cynlluniwyd y tudalennau hyn i roi gwybodaeth i chi a'ch teulu am gynlluniau tai cysgodol.

Mae ar gyfer unrhyw un sydd â diddordeb yn y math hwn o lety, boed yn denant nawr neu’n rhywun sy’n dymuno mwy o wybodaeth cyn penderfynu a ddylent ymgeisio am lety cysgodol.

Sut fyddech chi’n ateb y cwestiynau hyn?

• Ydych chi o oed ymddeol?
• Ydych chi'n mwynhau eich annibyniaeth ond yn cael budd o gael rhywun i alw mewn argyfwng?
• Ydych chi'n mwynhau cymysgu gyda phobl eraill pan y dymunwch?
• Ydy'r eiddo lle rydych yn byw nawr yn rhy fawr i chi?
• Ydych chi wedi ystyriad llety cysgodol?

Beth yw llety cysgodol?

Beth mae'n ei gynnig?

Beth mae'r wardeiniaid yn ei wneud?

Faint mae tai cysgodol yn costio?

Llety Ar Osod

Gwybodaeth bellach am dai cysgodol

Beth yw Llety Cysgodol?

Mae’n grwp neu’n ‘gynllun’ o anheddau heb ddodrefn a gynlluniwyd gydag anghenion pobl hyn mewn golwg. Nid yw’r un fath â chartref preswyl neu nyrsio ac mae gan bob tenant ei fflat, fflat un ystafell neu fyngalo ei hun.

Mae warden a chanolfan larwm gymunedol yn darparu gwasanaeth 24 awr mewn achos argyfwng.

Mae 23 chynllun tai cysgodol ym Mwrdeistref Sirol Wrecsam.

Ewch i'n llyfryn Springfield

MS Word 5.7Mb | PDF 431Kb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe.

^ yn ôl i'r brig

Beth mae'n ei gynnig?

Mae rhai gwahaniaethau rhwng cynlluniau tai cysgodol. Fodd bynnag, maent yn cynnig y rhan fwyaf o’r canlynol fel arfer:

• Fflatiau, fflatiau un ystafell neu fyngalos gyda’u ceginau eu hunain, wedi eu haddurno’n llawn

• Mae gan y rhan fwyaf ystafell i westeion a gall y warden wneud trefniadau os oes gan denantiaid berthynas neu ffrind agos sy’n dymuno aros am noson neu fwy. Nid oes tâl am yr ystafell hon.

• Mae lolfa gyffredin ar gael ar gyfer gweithgareddau cymdeithasol a hamdden tenantiaid, am adloniant fel bingo, nosweithiau cwisiau a chymdeithasu, partïon neu fel lle i gyfarfod a siarad.

• Ystafelloedd golchi dillad â pheiriannau golchi a sychu am ddim. Mewn rhai cynlluniau, mae rota ar gyfer defnyddio’r peiriannau.

• Wardeiniaid sy’n byw yn yr eiddo neu gerllaw.

• Lifft neu lifft grisiau. Mae gan y rhan fwyaf o’r cynlluniau un o’r rhain i helpu pobl sy’n cael problemau wrth ddefnyddio’r grisiau.

• Cyfleusterau ymolchi i bobl anabl.

• System larwm yn rhoi cyswllt uniongyrchol o bob fflat a man cyffredin i’r warden. Os nad yw’r warden ar ddyletswydd, bydd y ganolfan larwm gymunedol a gynhelir gan Gyngor Wrecsam yn cysylltu â pherthnasau neu’r gwasanaethau brys.