Cyfrifoldebau

Ni sy’n gyfrifol am gynnal adeiledd a thu allan eich cartref.

Byddwn yn trwsio:

• toeau, sylfeini, muriau allanol, drysau allanol
• draeniau, landeri, pibelli allanol
• fframiau ffenestri, siliau ffenestri
• llwybrau, grisiau, mynedfeydd eraill i’r adeilad, ffensys
• simneiau, cyrn simnai

Oddi mewn i’ch cartref byddwn yn trwsio:

• ffitiadau’r gegin a’r ystafell ymolchi – basnau, sinciau, toiledau a baths.
• drysau a fframiau mewnol, byrddau sgertin, cypyrddau cegin.
• offer gwresogi, taclau nwy ac offer twymo dŵr.
• gwifrau trydanol, socedi plygiau, offer golau, switshis.

Mewn ardaloedd cyffredin adeiladau fflatiau byddwn yn cynnal:

• grisiau, coridorau, mynedfeydd
• cyfleusterau ar y cyd gan gynnwys erialau teledu, systemau agor drws, llithrenni sbwriel, lifftiau, goleuadau’r ardal gymunedol

Rydym yn dilyn cyfarwyddyd Llywodraeth Cynulliad Cymru  (sy’n ein rheoleiddio) wrth reoli eich cartref. Mae Siarter y Tenantiaid hefyd yn berthnasol i’r cytundeb hwn. Gofynnwch i’ch swyddfa dai leol am fanylion.