Llais Y Bobl - Hawliau Tramwy Cyhoeddus

Dosbarthwyd pedwerydd arolwg Llais y Bobl, sy'n ceisio cael barn y cyhoedd am hawliau tramwy cyhoeddus, yn ystod Awst a Medi 2005.

Dychwelwyd cyfanswm o 303 o holiaduron gan aelodau o'r panel, gan roi cyfradd ymateb o 58%.

Hawliau Tramwy Cyhoeddus

• Y gweithgaredd a wneir yng nghefn gwlad gan y gyfran uchaf o ymatebwyr yw cerdded. Mae bron i hanner yr ymatebwyr (45%) yn gwneud hyn o leiaf unwaith yr wythnos.

• Ar y cyfan, yn ystod y 12 mis diwethaf, mae 87% wedi cerdded yng nghefn gwlad, 29% wedi beicio, 6% wedi marchogaeth ceffyl ac mae 6% wedi gwneud gweithgareddau eraill.

• Dim ond 20 o ymatebwyr oedd heb ddefnyddio hawliau tramwy o gwbl. Y pedwar rheswm a gafwyd ganddynt am beidio â'u defnyddio yw:
  1. Problemau iechyd / anabledd (46%)
  2. Diffyg amser (21%)
  3. Dim rheswm (16%)
  4. Dim diddordeb (13%)

• Gofynnwyd i'r ymatebwyr sy'n gwneud unrhyw un o'r gweithgareddau hyn pa mor hir y maent yn ei dreulio fel arfer yn gwneud y gweithgareddau. Ar y cyfan ,mae'r gyfran uchaf o ymatebwyr (38%) yn dweud eu bod yn treulio rhwng 30 munud ac un awr yn eu gwneud, wedi'i ddilyn gan y rheiny sy'n treulio rhwng awr a dwy awr yn eu gwneud (31%).

• Y tri math gorau i gael mynediad i gefn gwlad yn ôl yr ymatebwyr yw trwy:
  1. Llwybrau cyhoeddus;
  2. Parciau gwledig; a
  3. Lonydd gwledig tawel

• Y tri math llai ffafriol yn ôl ymatebwyr yw trwy:
  1. Tir mynediad agored;
  2. Tir coedwig; a
  3. Hawliau tramwy eraill (llwybrau ceffyl neu gilffyrdd)

• Pan ofynnwyd i ymatebwyr beth yw eu rheswm pennaf dros ddefnyddio hawliau tramwy, dywedodd dros draean (36%) mai eu rheswm oedd er mwyn gwneud gweithgaredd iachus (e.e. cerdded i gadw'n heini). Mae tair rhan o ddeg o ymatebwyr (29%) yn defnyddio hawliau tramwy yn bennaf er mwyn gwneud gweithgaredd hamdden (e.e. cerdded neu farchogaeth fel diddordeb), 15% ar gyfer mynd â chi am dro, 8% er mwyn cael mynediad cyffredinol i gefn gwlad ac mae 2% yn defnyddio hawliau tramwy i gael mynediad at gyfleusterau eraill

• Gofynnwyd i ymatebwyr pa mor bwysig yw llwybrau penodol iddynt. Mae'r gyfran uchaf o ymatebwyr yn teimlo mai teithiau cerdded lleol yn eu cymdogaethau sydd fwyaf pwysig iddynt (77%), wedi'i ddilyn gan lwybrau cylch (54%) a llwybrau ar themâu neu lwybrau a ddisgrifiwyd mewn taflenni (45%).

• Y pum lle y mae ymatebwyr yn fwyaf tebygol o edrych am wybodaeth am hawliau tramwy yw:
  - Mapiau Arolwg Ordnans;
  - Gwasanaethau canolfannau croeso;
  - Canolfan Ymwelwyr Parciau Gwledig;
  - Arweinlyfrau; a
  - Llyfrau teithiau cerdded.

• Y prif ardaloedd y mae angen rhagor o lwybrau ynddynt yn ôl yr ymatebwyr yw:
  - Ardal Coedpoeth (8%);
  - Mynydd Rhiwabon (7%);
  - Mynydd Rhos (5%); a
  - Lôn Groes (5%).

• Oherwydd bod Tir Mynediad Agored ar gael bellach, bydd 72% wedi neu yn ei defnyddio er mwyn dilyn llwybrau diffiniedig, bydd 10% wedi neu yn ei ddefnyddio i fynd am dro ar draws y tir, nid yw 11% ohonynt wedi nac yn bwriadu gwneud defnydd ohono .

Am fwy o wybodaeth cysylltwch:
Swyddog Cynorthwydd Polisi
Ffôn: 01978 292176
Ebost: statistics@wrexham.gov.uk