Addysg

Mae Wrecsam wedi ei gwasanaethu'n eithriadol o dda, ar bob lefel o addysg. Mae rhwydwaith dda o ysgolion cynradd ac uwchradd yn ogystal â nifer o ysgolion dydd a phreswyl preifat gerllaw.

Mae Coleg Iâl, y darparwr Addysg Bellach lleol, wedi symud i safle newydd £15miliwn yn agos i ganol y dref yn ddiweddar. Mae'n darparu addysg ôl TGAU ac amrywiaeth eang o gyrsiau galwedigaethol. Mae gan Iâl gysylltiadau agos â'r gymuned fusnes leol, ac mae'n trefnu cyrsiau hyfforddi ar ac oddi ar y safle yn rheolaidd ar ei chyfer.

Mae Sefydliad Addysg Uwch Gogledd Cymru (NEWI) yn Goleg Cysylltiol o Brifysgol Cymru. Mae ganddo 5,000 o fyfyrwyr rhan amser a llawn amser ac mae'n cynnig portffolio eang o gyrsiau israddedig ac ôl-raddedig. Mae gan NEWI Adran Beirianneg ffyniannus ac, yn adlewyrchu crynhoad y diwydiannau aerofod gerllaw, mae'n cynnal cyrsiau mewn Afioneg a Pheirianneg Awyrennol, yn ogystal â changhennau mwy confensiynol peirianneg. Mae gan NEWI hefyd draddodiad o gryfder mewn ymchwil gymhwysol ac mae'n Ganolfan Rhagoroldeb ar gyfer Opto-Electroneg a Gwyddoniaeth Defnyddiau. Mae gan y Coleg gysylltiadau cryf â busnesau lleol a rhanbarthol, mae'n trefnu cyrsiau hyfforddi yn ôl y gofyn ac mae'n ymwneud â phrosiectau ymchwil a datblygiad gyda chwmnïau wedi eu noddi gan y Llywodraeth. Mae hefyd yn ymwneud â nifer o flaengareddau sy'n ymwneud â gosod graddedigion ac is-raddedigion i weithio gyda chwmnïau.

O edrych ar yr ardal ehangach, mae Wrecsam o fewn taith awr o 10 prifysgol gan gynnwys, yn fwyaf nodedig, Manceinion a Lerpwl. Mae'r holl brifysgolion hyn yn gweithio'n agos â'r gymuned fusnes ac maent yn awyddus i wneud eu harbenigedd ar gael i gwmnïau. Mae hefyd yn werth nodi bod gan nifer fawr o'r sefydliadau yn yr ardal arbennig hon adrannau ymchwilio hynod, a dderbyniodd y statws uchaf posibl dan yr Ymarfer Asesu Ymchwil diweddaraf.

Cyswllt i gwybodaeth bellach Addysg