Lwfans Ceisio Gwaith
Gweler hefyd Gwybodaeth
am Lwfans Ceisio Gwaith ar wefan yr Adran Gwaith a Phensiynau
Beth yw'r Lwfans Ceisio
Gwaith gyda phrawf modd?
Mae'r Lwfans Ceisio Gwaith gyda phrawf modd yn gyfystyr â Chymhorthdal
Incwm i'r bobl sy'n gorfod arwyddo eu bod ar gael i weithio, ond nad ydynt
yn bodloni'r amodau ar gyfer Lwfans Ceisio Gwaith ar sail Cyfraniadau.
Hawlir Lwfans Ceisio Gwaith gyda phrawf modd trwy Swyddfa leol y Gwasanaethau
Cyflogaeth.
^ yn ôl i'r brig | Yn ôl
i'r Mynegai Cwestiynau
Beth yw'r amodau ar gyfer hawlio Lwfans Ceisio Gwaith
gyda phrawf modd?
Gellir talu Lwfans Ceisio Gwaith gyda phrawf modd yn ychwanegol at Lwfans
Ceisio Gwaith ar sail Cyfraniadau pan nad yw hwnnw'n ddigonol i ddiwallu
anghenion yr hawliwr (a'r teulu).
Yr un yw'r amodau a'r dull o gyfrifo'r swm, ag a ddefnyddir ar gyfer
Cymhorthdal Incwm.
Rhaid i'r hawliwr fod ar gael i weithio a dangos tystiolaeth ei fod yn
chwilio am waith cyflogedig amser llawn.
Telir y Lwfans fel rheol bob pythefnos mewn ôl-daliadau. Bydd cais
am y budd-dâl hwn fel rheol yn ymyriad gan yr Asiantaeth Cynnal
Plant.
Rhaid i gyplau nad oes ganddynt blant, sy'n hawlio Lwfans Ceisio Gwaith
ar sail eu hincwm, wneud cais ar y cyd, os yw un neu'r ddau ohonynt wedi
ei eni ar ôl 19 Mawrth 1976.
^ yn ôl i'r brig | Yn ôl
i'r Mynegai Cwestiynau
Beth yw'r Lwfans Ceisio Gwaith
ar sail Cyfraniadau?
Y Lwfans Ceisio Gwaith ar sail Cyfraniadau sydd wedi cymryd
lle'r Budd-dâl Diweithdra.
Mae'r Lwfans Ceisio Gwaith ar sail Cyfraniadau yn dibynnu ar eich cyfraniadau
Yswiriant Cenedlaethol. Nid yw'n amodol ar brawf modd, ond mae'n drethadwy.
Hawlir y Lwfans Ceisio Gwaith ar sail Cyfraniadau trwy Swyddfa leol y
Gwasanaethau Cyflogaeth.
Telir cyfraddau gwahanol ar gyfer pobl sydd:
-
o dan 18
-
18 - 24 oed
-
25 a throsodd
Ni thelir y lwfans am gyfnod hwy na 6 mis.
Rhaid i'r hawliwr fod ar gael i weithio a dangos tystiolaeth ei fod yn
chwilio am waith cyflogedig amser llawn.
|
English
Yn ôl i'r brig